Франция президенти Эммануэль Макрон бугун Украина раҳбари, Бирлашган Қироллик бош вазири ва Германия канцлери билан АҚШ воситачилигида давом этаётган музокараларни муҳокама қилиш учун Лондонга боришини эълон қилди.

- Биз америкаликлар билан Киевга хавфсизлик кафолатларини бериш бўйича саъй-ҳаракатларимизни давом эттирамиз, - деди у ташриф олдидан.

Макрон шунингдек, Россиянинг Украинага қарши уюштирилган хусусан, унинг энергетика ва темир йўл инфратузилмасини нишонга олган кенг кўламли ҳужумларини қоралади.  

Унинг таъкидлашича, РФ “зиддиятни авж олдирмоқда ва тинчликка интилмаяпти”.  

- Москванинг ҳаракатлари вазиятни янада оғирлаштиради, - деди Макрон журналистларга берган интервьюсида.

С.Раҳимов, ЎзА