
Сирдарё вилоят фавқулодда вазиятлар бошқармаси тизимида хизмат қилаётган ҳарбий хизматчи ва хизматчилар ўртасида "Заковат" интеллектуал ўйини ўтказилди.
Сирдарё вилоят ФВБ, вилоят ёшлар ишлари бошқармаси, Ўзбекистон ёшлар иттифоқи вилоят кенгаши ҳамда "Заковат интеллектуал клуби" ННТ ҳамкорлигида ташкил этилган тадбирда жами 12 та жамоа ғолиблик учун ўзаро баҳс олиб борди.


Қизғин ва ўзаро баҳс-мунозарага бой тарзда кечган интеллектуал ўйиннинг якуний натижаларига кўра, 3-ўринни Ширин шаҳар ФВБ жамоаси қўлга киритган бўлса, 2-ўрин Сирдарё туман ФВБ жамоасига насиб этди. 1-ўринни "Сирдарё ИЭС" АЖ жамоаси эгаллади.
Ғолиб ва совриндорлар ташкилотчилар томонидан пул мукофотлари ва эсдалик совғалари билан тақдирланди.


Ғулом Примов, ЎзА мухбири