Ҳиндистоннинг Карнатака штатида бир неча юз киши фирибгарлар устидан шикоят қилган. Маълум бўлишича, номаълум шахслар кўпчиликни АҚШ Президентининг сунъий интеллект ёрдамида яратилган сурати ва видеосидан фойдаланган ҳолда, Дональд Трамп иловасига сармоя киритишга кўндирган. Бу ҳақда “Times of India” киберполиция берган маълумотга таяниб ёзди.

– Карнатака штатида 200 нафарга яқин фойдаланувчи сўнгги 5-6 ой ичида ўзларининг ҳисобидан АҚШ Президенти Дональд Трамп номи билан аталган иловада жами 20 миллион рупий (тахминан 234 000 АҚШ доллари – таҳририят) ўғирлангани юзасидан шикоят билан киберполицияга мурожаат қилди, – дейилган газета тарқатган хабарда.

Америка етакчиси тимсоли акс этган “Trump Hotel Rental” иловасидан фойдаланган фирибгарлар ушбу контентга кирганлар инвестициясидан қисқа вақт ичида 100 фоиз ва янада кўпроқ фойда беришни ваъда қилиб, пул сармоя сифатида киритилишига ишонтиришган.

Таъкидланишича, аксарияти шикоят қилмаган бўлса-да, “ўйин”га 800 дан кўп фуқаро жалб қилинган. Уларнинг баъзилари жами 1 миллион рупий – тахминан 11 700 долларгача маблағидан айрилган.

С.Раҳимов, ЎзА