1 сентябрь – Ўзбекистон Республикасининг Мустақиллик куни. Ушбу сана доирасида дипломатик ваколатхоналар вакиллари, элчилар, хорижий экспертлар ҳамда халқаро ташкилотлар раҳбарлари ўзбек халқини қизғин қутлаяпти. Хитой Халқ Республикасининг мамлакатимиздаги Фавқулодда ва мухтор элчиси Юй Цзюнь ҳам улуғ айём – Мустақиллик байрами билан халқимизни табриклади.

– Дўст халқ – Ўзбекистон элини Мустақиллик байрами билан чин қалбимиздан муборакбод этамиз. Юрт равнақи йўлида ҳар бир фуқарога соғлик-саломатлик ва фаровонлик тилаймиз, истиқболли келажак қуришда омад ёр бўлсин. Хитой меҳмондўст ва олийжаноб ўзбек халқи билан муносабатларни ривожлантиришдан мамнун. Биламиз, Ўзбекистон мустақиллик йилларида кучли давлат барпо этиш йўлида катта ишлар, узоқни кўзлаган ислоҳотларни амалга оширди. Айниқса, ҳурматли Президент Шавкат Мирзиёевнинг оқилона сиёсати туфайли Янги Ўзбекистон қурилиши муваффақиятли тарзда илгарилаб бормоқда.

Мамлакатингиз иқтисодиёти тез суръатларда ривожланаётгани, экология кундан-кунга яхшиланаётгани ва бошқа соҳалар ҳам шу каби тараққий этаётганига гувоҳ бўлиб турибмиз. Ўзбекистон бизнинг энг асосий ва стратегик ҳамкорларимиздан бири саналади. Хитой халқи бундан жуда мамнун ва манфаатдор.

Қолаверса, Ўзбекистоннинг равнақи учун саъй-ҳаракатларимизни янада оширишга тайёрмиз. Албатта, бу икки мамлакат манфаатига хизмат қилади.

<iframe width="650" height="420" src="https://www.youtube.com/embed/2ZONfYYrgp4" title="Yuy Szyun: “Xitoy O`zbekiston bilan munosabatlarni rivojlantirishdan mamnun”" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Беҳруз Худойбердиев, Искандар Исматов (видео), ЎзА