Россия Федерацияси пойтахти Москва шаҳрида жойлашган "Динамо" спорт аренасида профессионал кураш лигасининг PWL 10 турнирида ўзбекистонлик спортчи муваффақиятга эришди.

Дунёнинг энг кучли полвонлари беллашган мазкур нуфузли лига баҳсларида ҳамюртимиз, юнон-рум курашчиси,  2025 йилги жаҳон чемпионати олтин медали соҳиби Айтжан Халмаханов гиламга чиқди. Чирчиқ кураш мактаби тарбияланувчиси Халмаханов Туркия вакили Керем Камал билан баҳс олиб борди.

Шиддатли кечган беллашувда ҳамюртимиз Европа чемпиони Керем Камални  8:1 ҳисобида мағлубиятга учратиб, профессионал кураш лигасининг PWL 10 турнири ғолибига айланди.

Т.Рўзиев, ЎзА