Чирчиқ шаҳрида юнон-рум кураши бўйича 20 ёшгача бўлган ёшлар ўртасида юнон-рум кураши бўйича ўтказилаётган Ўзбекистон чемпионати терма жамоа учун муносиб номзодларни саралаш билан бирга истеъдодли ёшларни саралаш вазифасини ўтамоқда.
Чемпионатнинг тантанали очилиш маросимида иштирок этган мутасаддилар бошқа спорт турларида бўлгани каби юнон-рум курашида ҳам Ўзбек спортининг янги юксалиш даври бошланаётганлиги эришилаётган натижаларда ўз аксини топаётганлигини таъкидлашди.
Хусусан, 24 йил муқаддам Ўзбек спортининг ёрқин вакуили Дилшод Орипов юнон-рум курашида жаҳон чемпионлигига эришган бўлиб, яқинда маҳоратли курашчимиз Чирчиқ спорт мактаби тарбияланувчиси Айтжан Халмаханов салкам чорак аср муқаддам қайд этилган муваффақиятни такрорлади.
Мусобақанинг очилиш маросимида мутасаддилар Чирчиқ шаҳрида юнон-рум кураши бўйича U20 ёш тоифасида бошланган Ўзбекистон чемпионати янги чемпионлар авлодини кашф этиши билан аҳамиятли эканлигини қайд этишди.
Мусобақада 5 та ёш тоифасидаги курашчилар беллашувларни бошлаб, ғалаблик учун жонбозлик кўрсатмоқда.
Ёш курашчилар учун ўз маҳоратини намойиш этиш, тажриба орттириш ва миллий терма жамоага номзод бўлиш йўлида муҳим синов вазифасини ўтайдиган чемпионат беллашувлари давом этмоқда.
Т. Рўзиев, ЎзА