Бирлашган Миллатлар Ташкилоти Тараққиёт дастурининг “Рақамли иқтисодиёт ва рақамли тадбиркорликни ривожлантириш учун ёшлар имкониятларини кенгайтириш” лойиҳаси доирасида Кенгаш йиғилиши бўлиб ўтди.

Иқтисодиёт ва молия вазирлигида бўлиб ўтган ушбу муҳим учрашувда Рақамли иқтисодиёт тадқиқотлари маркази директор ўринбосари ва мутахассислари иштирок этишди. Йиғилиш давомида лойиҳа доирасидаги натижалар, истиқболдаги режалар ва ёшларнинг рақамли иқтисодиётдаги иштирокини янада кенгайтириш йўллари муҳокама қилинди.

Рақамли тадбиркорлик ва инновацион технологияларни ривожлантириш бўйича илғор тажрибалар, ҳамкорлик имкониятлари ва янги ташаббуслар ҳақида фикр алмашилди.

Марказ мутахассислари ўз тажрибаси билан ўртоқлашиб, ёшлар учун рақамли имкониятларни ошириш ва рақамли иқтисодиётни ривожлантиришда илмий-таҳлилий ёндашувнинг аҳамияти ҳақида фикр билдиришди.

Ушбу лойиҳа ёшларни рақамли келажакка тайёрлаш, уларнинг билим ва кўникмаларини оширишга қаратилган бўлиб, инновацион ғояларни амалиётга татбиқ этишда муҳим қадам бўлиб хизмат қилади.

Райҳон Абдуманнонова,

ЎзДЖТУ талабаси