Ўзбекистон Республикаси Ёшлар агентлиги томонидан 2025 йилнинг иккинчи чораги давомида маҳаллада ёшлар сиёсатини самарали амалга оширишда юқори натижадорликка эришаётган ёшлар етакчиларининг ТОП-100 рейтинги эълон қилинди.

Ҳар чоракда анъанавий тарзда эълон қилиб бориладиган ушбу рейтингда юрт тараққиётига ўз ҳиссасини қўшиб, маҳаллаларда ёшларнинг ишончли йўлбошчисига айланган энг фаол ёшлар етакчилари танлаб олинди.

Мазкур ёшлар етакчилари бугунги кунда мамлакатимиз маҳалла тизимида ўз салоҳияти, шижоати ва яратиб берилган имкониятлардан тўлақонли фойдаланиб, ёшлар муаммоларини бевосита маҳаллаларда ҳал этиш, таълим муассасаларида маънавий-маърифий ва тарбиявий ишларнинг самарадорлигини таъминлашга хизмат қилиб келмоқда.

Гулноза Бобоева, ЎзА