Беларусь давлатининг Гомель шаҳрида бокс бўйича “Алексей Юков” хотирасига бағишланган халқаро турнирда Ўзбекистон ёшлар терма жамоаси муваффақиятли иштирок этди.

Мусобақанинг сўнгги ҳал қилувчи финал босқичида 13 нафар боксчимиз рингга кўтарилди. Унда Сайфиддин Собиров, Абдулазиз Абдуназаров, Абдураҳмон Маҳмуджонов, Жаҳонгир Зайниддинов,  Ҳусан Қаҳҳоров, Ҳусанбой Рустамжонов, Муҳаммаджон Яқуббоев, Самир Собиров ва  Муҳаммадризо Сиддиқов ўз вазн тоифаларида олтин медалга эга чиқди.

Шунингдек, финалга қадар ўтган беллашувларда терма жамоамиз таркибида ғалаба қозонган Одилшох Ҳалимов, Абдулазиз Абдулҳамидов, Норбек Абдуллаев ва Ислом Салиҳов кумуш медаль билан тақдирланди.  

Жавоҳир Тошхўжаев, ЎзА