Ўзбекистон Миллий кутубхонасида шоира ва таржимон, Халқаро мукофотлар совриндори - Ўктамой Холдарова қаламига мансуб "Зебуннисо" ва "Ойнаи жаҳон ҳангомалари" номли китобларининг тақдимоти бўлиб ўтди.

"Зебуннисо" китобида икки асар Темурий маликалардан бири, Бобур паннабираси Аврангзебнинг қизи ҳассос шоира Зебуннисобегимнинг аччиқ қисмати ҳамда Агра шаҳридаги етти мўъжизанинг бири ҳисобланган муҳаббат ва садоқат рамзи бўлмиш "Тожмаҳал" достонлари ҳақидаги мулоҳазалар ўрин олган.

"Ойнаи жаҳон ҳангомалари" тўпламида эса Ўзбекистон телевидениесида ишлаган ижодий ходимларни, шу даргоҳ билан боғлиқ бошидан ўтказган баъзан ғамгин, баъзан кулгили, тафсилотларга бой қизиқарли воқеа-ҳодисалар, айниқса, жонли эфирларда бўлиб ўтган, томошабин сезмаган фавқулодда кутилмаган ҳолатлар, вазиятдан чиқиб кетишлар, бир сўз билан айтганда, ҳангомалар киритилди.

Ўйлаймизки, ушбу китоблар ўқувчилар қалбидан жой олиб, чексиз таассуротлар бахш этади.

<iframe width="650" height="420" src="https://www.youtube.com/embed/cB-gG0gvUTM" title="Yangi kitoblar taqdimoti oʻtkazildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

М.Турдалиева, У.Тўхтаев (видео), ЎзА