Жанубий Кореянинг Поҳанг Фан ва Технология университети олимлари материалшуносликда инқилобий ютуққа эришди. Улар Цельсий бўйича -196 даража совуқдан 600 даража иссиққача бўлган ҳароратларда ўз хусусиятларини сақлаб қолувчи янги юқори энтропияли никель асосидаги қотишма яратишди.

«Гиперадаптер» деб аталган бу материал, ҳарорат ўзгаришларида механик барқарорликни таъминлаб, илгари имконсиз деб ҳисобланган хусусиятни амалга оширади.

Қотишманинг таркибида Л1₂ нано ўлчамдаги зарралар бўлиб, улар материални мустаҳкамлаб, деформацияларни олдини олади. Бу материалнинг ички тузилмаси ташқи шароитлардан мустаҳкам ҳимояланган бўлиб, юқори ҳарорат ва совуқда барқарор ишлашни таъминлайди.

Бундай материаллар космик ракеталар, реактив двигателлар, энергетик турбиналар ва саноат қувурлари каби ўта ҳарорат ўзгаришларига дуч келадиган технологияларда кенг қўлланилиши мумкин.

<iframe width="791" height="445" src="https://www.youtube.com/embed/JtfBurlDWIY" title="«Yangi Giperadapter Qotishma: Haroratga Qarshi Barqaror Yutuq»" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мадинабону Насриева, Улуғбек Тўхтаев (видео), ЎзА