Бош прокуратура ҳузуридаги Департаментнинг Фарғона вилояти Ёзёвон тумани бўлими томонидан ички ишлар бўлими ходимлари билан ҳамкорликда ўтказилган тадбирда валюта айирбошлаш билан шуғулланиб келган шахслар аниқланди.

Фуқаролар А.А. ва А.Ё. жами 3 минг АҚШ долларини фуқаро Р.М.га 34,5 миллион сўмга сотган вақтда ушланиб, уларнинг ёнидан 3,2 минг АҚШ доллари, 5,3 минг Россия рубли ва 22,7 миллион сўм ашёвий далил сифатида олинган.  

Мазкур ҳолат юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят иши қўзғатилиб, тергов ҳаракатлари ўтказилмоқда.  

 

ЎзА