“Узуклар ҳукмдори” суратга олинган боғда ёнғин
Янги Зеландиянинг Тонгариро миллий боғида катта ёнғин содир бўлди.
Ушбу мажмуа ландшафтидан “Узуклар ҳукмдори” трилогиясида Мордорни тасвирлашда фойдаланилган, дея хабар тарқатди “New Zealand Herald” газетаси.
- Барча сайёҳлар эвакуация қилинди, бир кечада автомагистрал ёпилди. Якшанба куни эрталаб ўрмон ёнғини назоратдан чиқиб кетганлиги сабабли эвакуация давом этди. Олов тахминан 2500 гектар жойни қамраб олди, - деб ёзган нашр.
“Вакапапа” қишлоғининг 36 нафар аҳолиси ҳам кўчирилган. Мазкур боғ ЮНЕСКО Жаҳон мероси рўйхатига киритилган.
С.Раҳимов, ЎзА