Франциянинг Париж шаҳридаги “Théâtre du Châtelet” театрида “Олтин тўп” тақдимот маросими бўлиб ўтди.

Унда "ПСЖ" клуби аъзоси, франциялик Усмон Дембеле 2024–2025 футбол мавсуми якунларига кўра “Олтин тўп” соҳибига айланди. Аёллар футболида ўзининг ёрқин ўйинлари билан танилган испаниялик Айтана Бонмати (“Барселона”) ушбу нуфузли совринга эга чиқди. Сократес мукофоти (инсонийлик фаолияти учун) Сира Мартинесга топширилди.

Тақдимот маросимида йилнинг энг яхши эркаклар жамоаси сифатида “ПСЖ”, аёллар футболида эса “Арсенал” жамоаси тан олинди. Йилнинг энг яхши мураббийлари сифатида Луис Энрике (“ПСЖ”) ва Сарина Вигман (Англия аёллар терма жамоаси) эътироф этилди.

Кутилганидек, ўтган мавсумнинг энг яхши ёш футболчиси соврини Ламин Ямалга (“Барселона”), қизлар ўртасида эса Вики Лопесга (“Барселона”) топширилди. Дарвозабонларга бериладиган "Лев Яшин" мукофоти бу сафар Жанлуижи Доннаруммага (“МС”/“ПСЖ”) ва Ханна Хэмптонга (“Челси”) насиб этди. Герд Мюллер мукофоти эса Виктор Дьёкерешга (“Арсенал”/“Спортинг”) ва Эва Пайорга (“Барселона”) берилди.

Жавоҳир Тошхўжаев,

ЎзА