ФОТОРЕПОРТАЖ
Ўзбекистон Республикаси мудофаасига кўмаклашувчи “Ватанпарвар” ташкилоти Марказий кенгаши томонидан тасдиқланган Спорт ва оммавий жисмоний тарбия тадбирларининг 2025 йил календар режасига асосан Наманган вилояти Кенгаши тасарруфидаги Учқўрғон туман Ўқув спорт техника клубига қарашли картодромда картинг пойгаси бўйича Ўзбекистон очиқ чемпионати финал мусобақаси ўтказилди.
[gallery-24700]
Мусобақада Россия Федерацияси, Қирғизистон шунингдек, Хоразм, Бухоро, Сирдарё, Наманган, Тошкент вилоятлари ва Тошкент шаҳридан жами 85 нафар спортчи ўзаро баҳсларга киришди. Мусобақа қизғин ва баҳсларга бой тарзда кечди. Спортчилар орасида қизларни борлиги қувонарли, албатта.
Мусобақанинг якуний натижаларига кўра, ёшлар ўртасида 1-ўринни Тошкент шаҳри, 2-ўринни Наманган вилояти ва 3-ўринни Тошкент вилояти жамоалари эгаллади. Катталар ўртасида эса 1-ўрин Тошкент шаҳри кейинги ўринлар Тошкент ва Бухоро вилоятлари вакилларига насиб қилди.
Ғолибларга “Ватанпарвар” ташкилотининг диплом ва қимматбаҳо совғалари топширилди.
ЎзА фотомухбири
Ҳотам МАМАДАЛИЕВ олган суратлар.