ФОТОРЕПОРТАЖ

Наманган вилояти Учқўрғон туманида жорий мавсумда фермер хўжаликлари 7819 гектар майдонда пахта, 6950 гектар майдонда ғалла етиштиришни режалаштирган.  

Тажриба тариқасида шунингдек, 3390 гектар майдонда плёнка остига чигит экиш ҳам кўзда тутилган. Бу усулнинг муҳимлигини “Улуғбек Мададкор” ММТП ҳудудидаги “Элдор толаси” фермер хўжалигида амалиётга киритилган самаралар кўрсатмоқда. Ерга қадалган уруғ униб чиқиб, ғўзанинг эрта ривожланиши, касаллик ва бегона ўтларга камроқ чалиниши, ҳосилнинг барвақт пишиб етилишига сабаб бўлади. Бу усул, шубҳасиз, пахта етиштиришда юқори самарадорликни таъминлашга хизмат қилади.  

Эндиликда очиқ майдонларга жадал суратларда чигит жойлаштирилмоқда. Бу ҳол фермерларга пахта ҳосилини кўпайтириш ва ҳосилни юқори сифатда етиштириш учун замонавий агротехнологияларнинг жорий этилишига янада кенг замин яратади.  

[gallery-22632]

Шу билан бирга, ғаллазорларда экиннинг соғлом ўсиши ва юқори ҳосил олиш учун зарур биологик чоралар кўрилмоқда. Турли зараркунанда ва касалликлардан ҳимоя қилиш мақсадида биолабораторияда трихограмма, олтинкўз ва бракон тайёрлаб қўйилди. Бу тадбирлар ғалла ва пахтани юқори сифат билан етиштириш ва ундан юқори ҳосил олишда муҳим аҳамият касб этади.  

Ҳотам МАМАДАЛИЕВ (сурат), ЎзА