Миллий гвардия Тошкент вилояти бўйича бошқармасида Очиқ эшиклар куни доирасида "Дунёдаги энг кучли жангчи бу ўзбек жангчиси" шиори остида “Уч авлод учрашуви” ўтказилди.

Даставвал ўқувчи-ёшларга саф майдонида ҳарбий техникалар, жихозлар, тоғ тайёргарлиги анжомлари, бир кунлик озиқ-овқат ва кийим-кечак таъминотлари, ҳарбий алоқа воситалари ҳамда тиббий анжомлар намойиш этилди. 

Ёшларда ҳарбий-ватанпарварликни оширишга қаратилган ушбу кўргазмаларда ўқувчилар бир кун бўлсада, ўзларини ҳарбийлардек ҳис этишди. Шунингдек, уларга ҳарбий техникалар ва соҳанинг сир-асрорлари ҳақида маълумот берилди. Тадбир давомида ўқувчи-ёшлар учун махсус вазифаларни бажарувчи отряд шахсий таркибининг кўргазмали қўл жанги чиқишлари намойиш этилди. 

Бундан ташқари ўқувчилар отларда сайр қилиш имкониятига ҳам эга бўлишди.

Тадбирнинг иккинчи қисми “Уч авлод учрашуви” билан давом этди. Унда Миллий гвардия фахрийлари ҳамда Миллий гвардия сафларида хизмат қилаётган жаҳон ва Осиё чемпионатлари ғолиблари бўлган спортчилар иштирок этишди. Учрашув интерактив тарзда савол-жавобларга бой тарзда ўтди. 

Унда сўз олганлар бугунги кунда ўқувчи-ёшлар учун яратилаётган имкониятлар ҳақида тўхталиб, ўзларининг бой тажрибалари билан бўлишди. 

Амир Темур сингари мард ва жасур боболаримизга муносиб авлод бўлиб етишиш даркорлиги таъкидланди. Айниқса, спортчиларнинг эришган ютуқлари, уларнинг чемпион бўлиш йўлидаги қийинчиликлари ўқувчиларда катта қизиқиш уйғотди.

<iframe width="650" height="420" src="https://www.youtube.com/embed/S-omGaMvBmQ" title="Uch avlod uchrashuvi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Н.Раҳмонова, ЎзА