Президент ташрифи

Ўзбекистон Республикаси Президенти Шавкат Мирзиёев Туркия Республикаси Президенти Режеп Таййип Эрдоғаннинг таклифига биноан 29 январь куни расмий ташриф билан ушбу мамлакатда бўлди.

Кўп қиррали шерикликнинг турли йўналишларини қамраб олувчи икки томонлама ҳужжатлар тўплами имзоланди. Иқтисодий ва молиявий ҳамкорлик, махсус иқтисодий зоналар соҳасидаги ҳамкорлик тўғрисида ҳам келишувларга эришилди.

Ўзбекистон Республикаси инвестициялар, саноат ва савдо вазири ўринбосари вазифасини бажарувчи Акрам АЛИЕВ ташриф доирасида ўтказилган ҳамкордик учрашувлари ва муҳим ҳужжатларга алоҳида тўхталди.

– Кейинги йилларда Ўзбекистон ва Туркия ўртасидаги савдо-иқтисодий ва инвестициявий ҳамкорлик юқори динамикада ривожланиб боряпти. 2017 йил билан ҳозирги вақтни солиштирадиган бўлсак, ўшанда Туркия инвестициялари қиймати 20 миллион долларга ҳам етмас эди. Ўтган йилнинг ўзида эса Туркия капитали иштирокида 3,2 миллиард долларлик инвестициялар ўзлаштирилди, – деди А.Алиев.

Қўшма корхоналар сони кўпайиб боряпти. Масалан, 2025 йилнинг ўзида қўшма корхоналар сони 400 тага ошиб, ҳозирда 2200 тага етган. Бу, албатта, турк капитали иштирокидаги лойиҳалар мамлакатимизнинг ҳар бир ҳудуди, ҳар бир соҳасига кириб борди, деганидир. Энергетика, соғлиқни сақлаш, енгил саноат, қишлоқ хўжалиги, қурилиш материаллари каби кўплаб йўналишларни ўз ичига оладиган ҳамкорлигимиз давом этмоқда.

Давлатимиз раҳбари ташрифи доирасида туркиялик ҳамкорлар билан янги йўналишларда қатор келишувларга эришдик. Улар – заргарлик саноати, гидроэнергетика, инфратузилма, шаҳарсозлик лойиҳаларидир. Ўйлайманки, яқин йиллар ичида иқтисодиётни, саноатни модернизация қилиш борасидаги ишларимиз янги босқичга чиқади.  

Видео интервьюни батафсил YouTube ижтимоий тармоғимиз орқали томоша қилинг.

<iframe width="650" height="420" src="https://www.youtube.com/embed/jU5PKCKTgGs" title="Turkiya kapitali ishtirokidagi loyihalar mamlakatimizning har bir sohasiga kirib bordi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Беҳруз ХУДОЙБЕРДИЕВ, Анвархўжа АҲМЕДОВ (видео), ЎзА