Туркия АҚШ – Хитой савдо уруши оқибатини таҳлил қилмоқда
Туркия ташқи ишлар вазири Ҳоқон Фидан АҚШ ва Хитой ўртасидаги савдо уруши ўз мамлакатининг ишлаб чиқариш ва логистика соҳасидаги салоҳиятини ҳисобга олган ҳолда, имкониятга айланиши мумкинлигини таъкидлади.
– Бу жараён энди тарифлар билан чекланиб қолмай, технологик устунлик, ишлаб чиқариш занжири ва глобал логистика марказлари учун рақобатга ҳам айланади, – деб ёзган “Ҳуррият” газетаси Фидан сўзларидан иқтибос келтириб. – Жараённи яқиндан кузатиб, савдо ва ғазначилик идоралари билан мувофиқликда кенг қамровли таҳлил ўтказяпмиз. Европага яқинлигимиз ва бошқа турли афзалликларимиз нуқтаи назаридан кўплаб Ғарб компаниялари ўз таъминот занжирини Туркияга кўчириш ҳақида ўйлаяпти. Хусусий сектор ва савдо маслаҳатчилари билан ишланмаларни аниқ сармояга айлантириш учун ҳамкорликда ишлаяпмиз.