Тошкент вилояти Зангиота туманида кенг қамровли экорейд тадбирлари ўтказилди. Мазкур назорат жараёнларида туман прокуратура органлари, ички ишлар бўлими вакиллари ҳамда экологик ҳолатни ўрганиш учун шакллантирилган махсус ишчи гуруҳ аъзолари кенг қамровда иштирок этди.

Рейд давомида иссиқхоналар ва ғишт ишлаб чиқарувчи цехларнинг иситиш ҳамда ғишт пиширувчи печлари экологик ва техник талабларга қанчалик мослиги ўрганилди. Атмосферага зарарли тутун ҳамда чиқиндилар чиқарилишини олдини олиш мақсадида корхоналарда фильтр ўрнатилиши алоҳида назоратга олинди. Талабларга жавоб бермаган баъзи хўжаликлар огоҳлантирилиб, фильтр ўрнатилгунга қадар уларнинг фаолияти вақтинча тўхтатилди.

Хусусан, Кенгкичик" МФЙ ҳудудидаги "Ўртовул Олтин Ғишт" МЧЖ ғишт ишлаб чиқариш цехида фильтр ускуналарисиз фаолият юритилгани ва атмосфера ҳавосига зарарли чиқиндилар чиқарилаётгани аниқланди. Мазкур ҳолат юзасидан ушбу ғишт ишлаб чиқариш цехи белгиланган тартибда маъмурий  чора курилди.

Туманга бириктирилган ишчи гуруҳ томонидан ҳудуддаги иссиқхона хўжаликлари томонидан атмосферага чиқарилаётган зарарли ташламалар бўйича мониторинг ишлари давом эттирилмоқда.

<iframe width="640" height="420" src="https://www.youtube.com/embed/kgOpxmOFARQ" title="Tungi reyd: Toshkentda ekologik talablarni buzgan korxonalarga keskin choralar ko‘rilmoqda" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Ҳамроз Баяновб, О.Давронов(видео),

У.Тўхтаев(монтаж),ЎзА