РФ ташқи ишлар вазири Сергей Лавров Трампнинг келишувга эришиш мумкинлиги ҳақидаги сўнгги баёнотига қўшилишини айтди, деб ёзди "Politico" нашри.

- Қўшма Штатлар етакчиси биз тўғри йўлдан кетаётганимизга ишонади ва мен буни тўғри, деб ҳисоблайман, - деган Лавров. - Шунга қарамай, аниқ келишиб олиниши лозим бўлган ўзига хос жиҳатлар, унсурлар мавжуд.

Хорижий ОАВ хабарига кўра, Россия Украина пойтахтига уюштирган охирги йирик ҳужум натижасида 12 киши ҳаётдан кўз юмган, 70 дан зиёд одам жароҳатланган. Трамп бу ҳолатга шундай муносабат билдирди: Москва зарбасидан мамнун эмасман. Вақт нотўғри танланди. Владимир, тўхтанг! Ҳафтасига 5000 аскар ҳалок бўлмоқда. Тинчлик келишуви амалга ошсин...

Мусулмон Зиё, ЎзА