Трамп Байден фарзандлари учун Махфий хизмат ҳимоясини бекор қилади
АҚШ Президенти Дональд Трамп мамлакатнинг собиқ етакчиси Жозеф Байденнинг фарзандларига нисбатан қўлланган Махфий хизмат ҳимояси қоидаси бекор қилинишини айтди.
Ижтимоий тармоқдаги баёнотида у Хантернинг хавфсизлиги америкалик солиқ тўловчилар томонидан тўлиқ қоплангани, бу иш билан 18 киши шуғулланганини таъкидлаган. Ва бу ҳолатни бемаънилик деб атаган.
– Хантер Байден ҳозир Жанубий Африкада, таътилда, аммо энди у Махфий хизмат ҳимоясига эга эмас, – дейди Президент.
Бундан ташқари Трамп Байденнинг қизи Эшлининг хавфсизлиги учун 13 хизматчи жавобгарлигини эслатди. Таъкидланишича, Эшли ҳам ҳимояланган шахслар рўйхатидан олиб ташланган.