Тоғли ҳудудда яна бир замонавий боғча ишга тушди
Қашқадарё вилояти Китоб туманида жойлашган “Қайнар”маҳалла фуқаролар йиғинига қарашли Қайнар қишлоғи атрофи баланд тоғлар билан ўралган сўлим табиатли масканлардан бири. Шу боис у ерда кўплаб болалар оромгоҳлари, дам олиш масканлари барпо этилган.
Мазкур қишлоқда куни кеча замонавий давлат мактабгача таълим ташкилоти фойдаланишга топширилди. Унда болажонларнинг сифатли таълим-тарбия олиши учун барча шарт-шароит яратилган.
120 ўринга мўлжалланган ва қиймати қарийб 5 миллиард сўмни ташкил этган муассасанинг очилиш маросимида туман ҳокими Рустам Гафуров бошчилигидаги масъуллар, нуронийлар, кенг жамоатчилик ҳамда ОАВ вакиллари иштирок этди.
Ўлмас Баротов, ЎзА мухбири