Хитойнинг Poseidon компанияси экстремал шароитларда ишлай оладиган ва жабрланганларга автоматик тарзда тиббий ёрдам кўрсата оладиган дунёдаги биринчи қутқарув роботини ишлаб чиқди.

У махсус оёқлар, ғилдираклар ёки занжирли ҳаракатланиш тизими билан жиҳозланган бўлиб, улар орқали зинапоя, қиялик ва нотекис юзалар каби қийин тўсиқларни енгиб ўтишга қодир. Бундай мураккаб ва энг керакли функцияларга эга робот фавқулодда вазиятларда шошилинч ҳолатларда тез тиббий ёрдам кўрсатиш имкониятини беради.

Ишлаб чиқувчиларнинг сўзларига кўра, робот қуйидаги соҳаларда катта талабга эга бўлади:

- табиий офатлар пайтидаги қутқарув операцияларида;

- ҳарбий шароитларда (жанг майдонидан ярадорларни олиб чиқишда);

- мураккаб саноат ва шаҳар аварияларида;

- шифохонагача бўлган масофада ва шифохона ичидаги тиббий ёрдам

<iframe width="640" height="420" src="https://www.youtube.com/embed/sjHete5x7js" title="Tibbiy yordam koʻrsatuvchi robot taqdim etildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мутахассисларнинг фикрича, ушбу янги технология тез тиббий ёрдам соҳасида «моддий шаклга эга сунъий интеллект» вазифасини бажаради. Анъанавий қутқарув усуллари вақт ва кўплаб мутахассисларни талаб қилса, бу робот мустақил равишда тез ва аниқ ҳаракат қила олади.

Мадинабону Насриева, Улуғбек Тўхтаев (видео), ЎзА