“The Economist” нашри Трампнинг президентлик муддати тугашига қанча кун қолганини эслатди
АҚШнинг “The Economist” нашри ўзининг янги сони муқовасига яраланган ва дока билан боғлаб ташланган бургут расмини (Бургут Америка рамзи ҳисобланади) жойлаштирди ва Дональд Трампнинг президентлик муддати тугашига қанча кун қолганини эслатди.
– Дональд Трамп Қўшма Штатларга ўнглаб бўлмайдиган зарар етказиб бўлди. Унинг инқилобий лойиҳалари амалга ошармикан? -деб ёзилган нашр муқовасида.
Шунингдек, “The Ecomonist” Трамп муддатининг тугашига “атиги 1361 кун” қолганини ҳам эслатган.
Маълумот ўрнида, жорий ой бошида ушбу нашр Вашингтон бошқа мамлакатлардан импорт қилинадиган маҳсулотларга тарифларни жорий қилганидан сўнг, Трампнинг арра билан АҚШни дунёнинг қолган қисмидан узиб қўйгани тасвирланган муқовасини эълон қилганди.
С.Раҳимов, ЎзА