Теннис: Полина Кудерметова Туркияда порлашни бошлади
Туркиянинг Анталия шаҳрида теннис бўйича WTA томонидан ташкил этилган “Challenger 125” таснифидаги “Megasaray Hotels Open” турнирида Полина Кудерметова муваффақиятли старт олди.
Аниқроқ айтадиган бўлсак, мамлакатимизнинг иккинчи рақамли теннисчиси Полина Кудерметова асосий тўр баҳсларининг илк даврасида испаниялик Зулета Маристанига қарши кортга чиқди ва 6:4, 6:1 ҳисобида зафар қучди. Бу натижадан сўнг ушбу теннисчиларнинг ўзаро ўйинларидаги ҳисоб 2:0 кўринишига келди.
Шу тариқа, нимчорак финалга йўл олган Полина Кудерметова чорак финал йўлланмаси учун ўтадиган ўйинда япониялик Моюка Учижима билан куч синашадиган бўлди. Ўйин 12 март куни ташкил этилиши кутилмоқда.
Жавоҳир Тошхўжаев, ЎзА