Бугун CIPCC дастури доирасида Хитойда бўлиб турган халқаро журналистлар учун Пекин шаҳрининг Тонгчжоу туманига медиатур ташкил қилинди.

Медиатур доирасида бир қанча объектларга борилди, лекин менга энг ёққани Хитойнинг бой ҳунармандчилик анъаналарини сақлаб қолиш ва ривожлантиришга катта эътибор қаратаётган Dongfang Yizhen филигранли инклюстрация фабрикаси бўлди. Бу фабрикада филигран санъати ва замонавий технологияларни муваффақиятли бирлаштириб, юқори сифатли санъат асарларини яратилади.

Филигран санъати: қадимий мерос

Филигран — Хитойнинг минг йиллик тарихга эга бўлган миллий бадиий санъат турларидан бири. У металл симлар ёрдамида мураккаб нақшлар ва деталлар яратиш санъати бўлиб, асосан қимматбаҳо металлдан ишланган бўлиши мумкин. Бу технология нафақат заргарлик буюмларида, балки интерьер безакларида ҳам кенг қўлланилади. Филигран санъати Хитой маданиятининг ўзига хос рамзи бўлиб, миллий бойлик сифатида қадрланади.

Dongfang Yizhen фабрикасининг ўзига хослиги

Dongfang Yizhen филигранли инклюстрация фабрикаси қадимий филигран технологияларини сақлаб қолиш билан бирга, замонавий дизайн ва технологик ечимларни ҳам фаол қўлламоқда. Бу фабрика Хитойда филигран санъатининг асосий марказларидан бири сифатида танилган ва бир нечта миллий ва халқаро мукофотларга сазовор бўлган.

Фабрикада ишлаб чиқарилаётган маҳсулотлар юқори сифатли хом ашёдан — қимматбаҳо металлар (олтин, кумуш) ва нодир тошлардан тайёрланади. Ҳунармандлар энг нозик нақшларни қўл меҳнати билан яратадилар, бу эса ҳар бир маҳсулотни ягона ва санъат асарига айлантиради.

Янги технологияларни қўллаш

Анъанавий ҳунармандчилик усуллари билан бир қаторда, фабрика замонавий технологияларни ҳам муваффақиятли жорий қилган. Компьютер ёрдамида дизайн қилиш ва 3 D моделлаштириш технологиялари филигран нақшларини янада аниқ ва мураккаб даражада бажариш имконини беради. Шунингдек, янги ишлов бериш техникалари филигран маҳсулотларининг мустаҳкамлиги ва чидамлилигини оширади, бу эса маҳсулотларнинг бозор талабларига мос келишини таъминлайди.

Маҳсулотлар хилма-хиллиги

Фабрика турли хил маҳсулотлар ишлаб чиқаради, жумладан:

Заргарлик буюмлари (маржонлар, сирғалар, узуклар, билакузуклар)

Уй безаклари (вазалар, рақамлар, ҳайкаллар)

Санъат асарлари (интерьер учун эксклюзив дизайнлар)

Бу маҳсулотлар нафақат Хитой ички бозорида, балки халқаро бозорлар учун ҳам мўлжалланган.

<iframe width="791" height="445" src="https://www.youtube.com/embed/Ox90GDREimw" title="Tarix va bugunni birlashtirgan Filigran san’ati haqida bilasizmi?" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Маданий меросни сақлаш ва ривожлантириш

Фабрика филигран санъатининг миллий мерос сифатида сақланишига катта ҳисса қўшади. Бу ерда анъанавий ҳунармандчилик кўникмаларини ёш авлодларга ўргатиш учун махсус дастурлар ташкил этилган. Фабрика нафақат Хитойда, балки халқаро миқёсда ҳам танилган. Унинг маҳсулотлари кўплаб халқаро кўргазмаларда намойиш этилади ва юқори баҳоланади.

Нозимбек Мардонов ЎзА

(Хитой, Пекин шаҳри)