Ўзбекистонда таълим тизимида жиддий ислоҳотлар амалга оширилмоқда. Ўқув услубларига информацион технологиялар кириб келди. Хусусий мактаблар тармоғи кенгайиб боряпти.

Ихтисослашган ва Президент мактаблари фаолият кўрсатяпти. Гарчи уларнинг барчаси ягона давлат таълим мезонларига асослансада, ҳар бир йўналишнинг ўзигагина хос хусусиятлари бор.

Мактабгача ва мактаб таълими вазирлиги Марғилонда “Ижодий педагогика: таълим жараёнига замонавий ёндашув” мавзуида халқаро илмий - амалий конференция ташкил этди. Унда бир қатор мамлакатлариннг мутахассис ва олимлари иштирок этди. Унда маъруза қилганлар таълимда янгиликларни жорий қилишни давом эттириш, бунда илғор мамлакатлар тажрибасини қўллаш лозимлигини алоҳида таъкидлашди.

Замонавий технологияларни қўллашда муваффақиятга эришган мамлакатимиздаги ихтисослашган мактаб ҳамда илмий марказ вакиллари Фарғона вилояти ҳокимлигининг эсдалик совғалари билан тақдирланди.

Халқаро конференция эртага ҳам давом этади.

<iframe width="640" height="420" src="https://www.youtube.com/embed/NpJHNhF4jZw" title="Ta’limda innovatsiya" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Муҳаммаджон Обидов, Элёр Олимов (сурат, видео),

ЎзА мухбирлари