Италиянинг Езоло шаҳрида таэквондо ITF бўйича ўтган XXIII жаҳон чемпионатида мамлакатимиз спортчилари 1 тадан олтин ва кумуш, 2 та бронза медалларига мушарраф бўлди.

Дунёнинг 50 га яқин давлатидан 1 минг 500 нафарга яқин маҳоратли таэквондочи иштирок этган баҳслар давомида Ўзбекистон терма жамоаси аъзоларидан Алина Галимулина олтин, Сергей Нам машқ бажаришда кумуш, шунингдек Асилбек Содиқов ва Евгений Ким ўз йўналишларида бронза медалларини қўлга киритди.

Бугун, 14 октябрь куни жаҳон чемпионатида муносиб натижа қайд этган таэквондочиларимиз Ислом Каримов номидаги Тошкент халқаро аэропортида Спорт вазирлиги, мамлакат таэквондо (ITF) федерацияси мутасаддилари, кенг жамоатчилик вакиллари иштирокида тантанали кутиб олинди.

Т.Рўзиев, ЎзА