Шу кунларда пойтахтимиздаги сув спорт турларига ихтисослашган Республика олий спорт маҳорати мактаби ҳавзасида сув полоси бўйича U17 ёш тоифаси бўйича йигитлар ва қизлар жамоалари ўртасида Ўзбекистон чемпионати баҳслари ўтказилмоқда.

Қизлар мусобақасида 4 та, йигитлар баҳсида 5 та жамоа ғолиблик учун кураш олиб бормоқда.

Икки кунлик баҳслар сарҳисобига кўра, қизлар жамоалари орасида Тошкент шаҳри ва Наманган вилояти вакиллари етакчилик қилмоқда. Тошкент жамоаси икки кунлик ўйинларда Хоразм вилояти вакилларини 6:3, Фарғона вилояти жамоасини 10:3 ҳисобида мағлуб этган вазиятда наманганлик спортчиларга 10:6 кўринишида имкониятни бой бериб қўйди.

Йигитлар ўртасидаги мусобақаларда Наманган вилояти ва Тошкентнинг  “Гермес” жамоаси чемпионатда мағлубиятсиз иштирокини давом эттирмоқда.

Наманганлик йигитлар илк кунги мусобақаларда “Uzbekistan Aquatics”ни 19:0, Тошкент вилояти жамоасини 23:3 ҳисобида доғда қолдирди. “Гермес” эса аввалига фарғоналикларни 13:7, “Uzbekistan Aquatics” вакилларини 18:1 ҳисобида енгди.

Бугун, 2 апрель куни чемпионатнинг сўнгги кунги баҳсларида мамлакат чемпионлари аниқланади.

Т.Рўзиев,

ЎзА