Хитойлик олимлар сув остида яширин тарзда кузатув олиб боришга қодир, медузага ўхшаш бионик дрон ишлаб чиқишди. Бу ҳақда South China Morning Post хабар берди.

“Сувости фантоми” деб аталувчи робот Шимоли-ғарбий политехника университети олимлари томонидан Тао Кай раҳбарлигида яратилган. У сувга тушганда ҳақиқий медузадан деярли фарқ қилмайди, бу эса унга сув остида яширин мониторинг олиб бориш имконини беради.   

Робот гидрогел электрод материалидан тайёрланган бўлиб, 120 миллиметр диаметр ва 56 грамм оғирликка эга. У электростатик гидравлик актуатор ёрдамида ҳаракатланади ва фақат 28,5 милливатт қувват сарфлайди. Шунинг учун у деярли шовқинсиз ишлайди ва узоқ муддатли яширин миссиялар учун мос.  

“Арвоҳ медуза” мини камера ва сунъий интеллект чипи билан жиҳозланган бўлиб, реал вақт режимида кузатув, маълумотларни таҳлил қилиш ҳамда мустақил ҳаракатланиш имконини беради. Тадқиқотчиларга кўра, бу технология океан экотизимларини ўрганиш ва сувости хавфсизлигини таъминлашда кенг қўлланилиши мумкин.   

<iframe width="640" height="420" src="https://www.youtube.com/embed/am4iIbZAnFA" title="Suv ostida yashirin harakatlanuvchi dron yaratdi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мадинабону Насриева, Улуғбек Тўхтаев (видео), ЎзА