ФОТОРЕПОРТАЖ

Президентимизнинг жорий йил 19 март куни кичик ва ўрта бизнес вакиллари билан учрашувида белгиланган вазифалар ижросини таъминлаш мақсадида Самарқанд вилояти солиқ бошқармаси масъуллари тасдиқланган жадвал асосида барча шаҳар ва туманларда тадбиркорлар билан учрашувлар ўтказмоқда.  

Солиқ сиёсатига киритилган ўзгаришлар, тадбиркорлик субъектлари фаолиятлари давомида юзага келаётган муаммолар, таклифларни ўрганишга қаратилган учрашувлардан бири Тойлоқ тумани кичик ва ўрта бизнес вакиллари билан бўлиб ўтди.

Вилоят солиқ бошқармаси бошлиғининг биринчи ўринбосари B. Тошқулов тадбиркорликни қўллаб-қувватлаш борасида амалга оширилаётган изчил ислоҳотлар тўғрисида сўз юритиб, кичик ва ўрта бизнеснинг ривожи учун солиқ тизимидаги янгиланган қоида, имтиёз ва енгилликларга тўхталиб ўтди. 60 нафардан ортиқ кичик ва ўрта бизнес вакили билан бўлган очиқ мулоқот давомида уларнинг маркировкалаш, харид чеки, 2D-сканер, имтиёзлардан фойдаланиш билан боғлиқ муаммо ва таклифлари тингланиб, ижобий ҳал этиш чоралари кўрилди.

[gallery-22774]

Шунингдек, энг намунали, барқарорлик рейтинги юқори ва фаол тадбиркорлар қатор номинациялар бўйича тақдирланди.

Алишер ИСРОИЛОВ (сурат), ЎзА