Бугун Ўзбекистон давлат хореография академиясида соҳибқирон Амир Темурнинг 689 йиллиги муносабати билан Ўзбекистон Ёзувчилар уюшмаси аъзоси, атоқли адиба Шаҳодат Исахонованинг “Бибихоним” ва “Гавҳаршодбегим” китоблари тақдимоти бўлиб ўтди.

Шеърхонлик ва адабий мунозараларга бой тарзда кечган “Соҳибқиронга эҳтиром” мавзусидаги ушбу маънавий-маърифий тадбирда академия расмийлари, таниқли ёзувчилар, талабалар иштирок этди.

Мазкур таълим муассасаси ректори Шуҳрат Тўхтасимов муаллифнинг ўзбек адабиёти ривожига қўшаётган муносиб ҳиссасини эътироф этиб, жумладан шундай деди:

– Мамлакатимиз миллий тараққиётнинг янги, юксак босқичига кўтарилаётган бир пайтда ёшларимизнинг Соҳибқирон Амир Темур, Мирзо Улуғбек, Алишер Навоий, Заҳириддин Муҳаммад Бобур, Бибихоним ва Гавҳаршодбегим каби улуғ аждодларимизга ҳурмат, миллий қадриятларимизга садоқат руҳида тарбия топиши муҳим аҳамият касб этади.

<iframe width="640" height="420" src="https://www.youtube.com/embed/hUEHrY_5_hE" title="Sohibqironga ehtirom…" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мусулмон Зиё,

Аслиддин Али (фото, видео), ЎзА