Минск шаҳрида синхрон сузиш бўйича ўтказилган нуфузли турнирда ўзбекистонлик спортчилар совриндорлар қаторидан жой эгаллади.

Беларусь очиқ чемпионати мақомида ўтказилган турнирда Беларусь, Россия, Қозоғистон каби мамлакатларнинг маҳоратли спортчилари қаторида юртимиз вакиллари тегишли йўналишларда ғолиблик учун кураш олиб борди.

Қизиқарли кечган баҳслар якунида мамлакатимиз синхрон сузувчилари мусобақанинг учта дастурида бронза медалларига сазовор бўлди.

Совринли ўринларни қўлга киритишда маҳоратли спортчиларимиз Дарья Кочнева ва Елизавета Касаткина ғалабага бўлган кучли иродасини намойиш этди.

Т.Рўзиев, ЎзА