Республикамизга четдан олиб кирилган товар-моддий бойликлар учун давлат бюджетига ундириладиган божхона тўловларидан бўйин товлашга уринаётган шахсларнинг қинғир қилмишларига ўз вақтида чек қўйилмоқда.

Давлат божхона қўмитаси Ахборот хизмати билан ҳамкорликда тайёрланган навбатдаги лавҳа ана шундай ҳолатлар ҳақида.

Божхона тўловларини четлаб ўтиш, бу орқали юртимизга турли хил ноқонуний ҳамда сифатсиз товарларнинг кириб келиш ҳолатларига қарши божхона органлари томонидан кескин кураш олиб борилмоқда. Бунинг натижасида нафақат мамлакат ички бозори ҳимоя қилинмоқда, балки яширин иқтисодиётни қисқартиришга эришилмоқда. Шунингдек, турли хил сифатсиз товарларнинг юртимизга кириб келиши олди олинмоқда.

- Тошкент вилояти божхона бошқармаси “Яллама” чегара божхона пости орқали “Мерседес-Бенз” русумли юк автотранспорт воситасида юртимизда фаолият олиб бораётган масъулияти чекланган жамиятлардан бирининг номига олиб келинаётган юклар белгиланган тартибда божхона назоратидан ўтказилди, - дея маълумот берди Божхона матбуот хизмати бош инспектори Азиза Заирова. - Божхона пости ходимлари ҳамда божхона аудити бўлими ходимлари томонидан ташкилотнинг ишончли вакили ҳамда холислар иштирокида ўтказилган божхона кўриги давомида, юк кузатув ҳужжатларида кўрсатилмаган, қиймати 1 миллиард 150 миллион сўмлик 30 дона симсиз портатив динамиклар борлиги аниқланди.

<iframe width="650" height="420" src="https://www.youtube.com/embed/asAdVtV7dN0" title="Sifatsiz tovarlar toʻxtatib qolindi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

Эслатиб ўтамиз, амалдаги тартибларга мувофиқ жисмоний ва юридик шахслар Ўзбекистон Республикаси божхона чегарасини кесиб ўтишда ўзлари билан олиб ўтаётган товар-моддий бойликларни белгиланган меъёрлар асосида ишончли вa тўғри декларацияланиши учун қонун ҳужжатларига мувофиқ жавобгардир.

Жумладан, Тошкент шаҳар божхона бошқармаси тезкор тузилмалари томонидан "Сирғали" божхона пости ходимлари билан ҳамкорликда навбатдаги ҳуқуқбузарлик ҳолатига чек қўйилди.

Навбатдаги холат Тошкент шаҳар божхона бошкармаси тезкор тузилмалари томонидан ҳуқуқни муҳофаза қилувчи бошқа орган вакиллари билан ҳамкорликда ўтказилган тадбир натижасида пойтахтимизнинг Олмазор туманида аниқланди.

Ҳозирда юқоридаги ҳолатлар юзасидан божхона органлари томонидан терговга қадар текширув ҳаракатлари давом этмоқда.

Б.Худойбердиев, А.Алижонов (видео), ЎзА