Сифатсиз футболка саломатликка хавф туғдиради
Хоразм вилояти Урганч шаҳридаги эркаклар кийими савдоси билан шуғулланувчи "ХОN BOZOR" савдо дўконида Техник жиҳатдан тартибга солиш соҳасида назорат инспекцияси томонидан назорат хариди ўтказилди.
Текширув жараёнида Хитойда ишлаб чиқарилган HOOP бренди остидаги эркаклар футболкаси аккредитациядан ўтган синов лабораторияси томонидан кўриб чиқилди. Натижада, ушбу маҳсулот техник регламент талабларига жавоб бермаслиги аниқланди.
Салбий оқибатлари: истеъмолчига иқтисодий зарар етказиши мумкин, аллергик касалликлар ва тери яллиғланишига сабаб бўлиши эҳтимоли бор. Савдо нуқтаси обрўсига путур етказиб, мижозлар ишончини пасайтиради.
Ҳамроз Баянов,
ЎзА