Швейцариянинг "Vacheron Constantin" компанияси тарихдаги энг мураккаб механик қўл соатини тақдим этди.
Соатсозликда асорат ибораси вақт ҳақидаги анъанавий тушунчадан ошиб тушадиган ҳар қандай функция, масалан Григориан тақвими ёки ой даври англашилади.
Янги "Les Cabinotiers Solaria Ultra Grand Complication" соати рекорд даражада - 41 вазифани бажаради.
Саккиз йил давомида яратилган, жами 1521 эҳтиёт қисмдан иборат қурилма 200 дан зиёд қимматбаҳо тош, жумладан сапфир билан жиҳозланган, 18 каратлик оқ олтин қутига жойлаштирилган.
Талабнома топширилган 13 патентдан еттитаси митти болғачанинг ноёб зарба билан тўрт марта гонг урадиган механизмига тегишли.
Соат бир вақтнинг ўзида уч хил вақтни кўрсатади: анъанавий 24 соатлик, юлдузларга нисбатан Ернинг айланиши билан ўлчанадиган латерал ва сайёранинг эллиптик орбитаси ҳисобга олинган ҳолда созланадиган қуёш кунлари.
- Бу миниатюра ва инновациянинг ҳақиқий мўъжизаси, - дейди услуб ва мерос директори Кристиан Сельмони. - Айтиш жоиз, 1755 йил асос солинган, ҳозир "Richemont" гуруҳининг бир қисмига айланган "Vacheron Constantin" аллақачон энг мураккаб чўнтак соатлари - 63 фенкцияди "Berkley Grand Complication" бўйича рекорд ўрнатган.
Бинобарин, чўнтак соатлари анча катта бўлиши мумкинлиги сабабли, қўл соати эквивалентини ишлаб чиқиш анча қийин кечди.
Бу ажабтовур соат сотилмайди, балки биринчи навбатда муҳандислик ютуғи сифатида эътироф этилмоқда.
Г.Сатторова, ЎзА