“Шўртан газ-кимё мажмуаси” МЧЖ жамоаси ғолибликни қўлга киритди
Мустақиллигимизнинг 34 йиллиги муносабати билан Хива шаҳрида “Ўзбекнефтгаз” АЖ ва тизим ташкилотлари ўртасида “Zakovat QUIZ” интеллектуал ўйинининг финал босқичи ташкил этилди.
Беллашув ёшларнинг интеллектуал билим ва салоҳиятини намоён этишда муҳим аҳамият касб этди. Билимга чанқоқ ва фаол ёшлардан тузилган жамоалар заковат синовида ўзаро беллашди.
Якуний натижаларга кўра, биринчи ўринни “Шўртан газ-кимё мажмуаси” МЧЖ жамоаси, иккинчи ўринни “Uz-Kor Gas Chemical” МЧЖ ҚҚ жамоаси, учинчи ўринни эса “Ўзбекнефтгаз” АЖ жамоаси қўлга киритди.
Тадбир якунлангач, иштирокчилар Ичан Қалъа тарихий мажмуасининг бой маданий мероси билан яқиндан танишди.
Н.Зиёдуллаева, ЎзА