MIA axborot agentligi Shimoliy Makedoniya Ichki ishlar idorasiga tayanib yozishicha, Kocani shahridagi “Puls” diskotekasida taxminan soat 3:00 atrofida yong‘in chiqqan.

Dastlabki ma’lumot "tilsiz yov" kamida 50 nafar insonning yostig‘ini quritganini tasdiqlamoqda. Fojiaga mahalliy DNK guruhi konserti chog‘ida pirotexnika vositasidan foydalanilgani sabab bo‘lgani taxmin qilinmoqda. O‘nlab jabrdiydalar turli shaharlardagi shifoxonalarga yotqizilgan.

Voqea joyiga Bosh vazir Kristian Mikkoski va hukumat a’zolari yetib borgan. Favqulodda vaziyat xodimlariga mahalliy aholi ham yordam beryapti.