Сергей Фомин яккалик баҳсларида ҳам бош соврин учун курашади
Қозоғистонда Халқаро теннис федерацияси томонидан ташкил этилган M15 таснифидаги турнирда Сергей Фомин яккалик баҳсларида ҳам бош соврин учун кортга чиқадиган бўлди.
Гап шундаки, Сергей Фомин яккалик беллашувларининг 1/2 финал босқичида польшалик Яша Шайрихни ҳар иккала сетда бир хил - 6:2 ҳисобида таслим этди. Энди мамлакатимизнинг иккинчи рақамли теннисчиси нуфузли мусобақанинг бош соврини учун ўтадиган баҳсда франциялик Шон Кюнен билан рақобатлашади.
Эслатиб ўтамиз, С.Фомин жуфтликлар ўртасида нейтрал теннисчи Павел Вербин билан тандемда мусобақа ғолиблиги учун германиялик Адриан Эцбах ҳамда бельгиялик Мартин Ван Дер Меершен дуэтига қарши ўйин ўтказади.
Учрашувлар 27 апрель куни ташкил этилади.
Жавоҳир Тошхўжаев, ЎзА