Туркиянинг Анталия шаҳрида M25 таснифига кирувчи халқаро теннис турнири қизғин паллага кирди.

Унда мамлакатимизнинг иккинчи рақамли теннисчи Сергей Фомин яккалик беллашувларда нейтрал теннисчи Алексей Ватутин билан куч синашди ва 7:6, 0:6, 6:4 ҳисобида зафар қучди. Шу тариқа ярим финалга чиққан теннисчимиз финал йўлланмаси учун ўтадиган ўйинда чехиялик Мартин Крумич билан рақобатлашади. 

Маълумот ўрнида: Сергей Фомин ўтган ҳафтада Анталияда ўтказилган нуфузли мусобақанинг яккалик баҳсларида барча рақибларини енгиб, якунда бош совринга эга чиққан эди.

Жавоҳир Тошхўжаев, ЎзА