Сергелида янги шахмат мактаби ўз фаолиятини бошлади
Пойтахтимизнинг Сергели туманида янги шахмат мактабининг тантанали очилиш маросими бўлиб ўтди.
Тадбирда иштирок этган Сергели тумани ҳокими Элбек Шукуров, Ўзбекистон шахмат федерацияси раиси ўринбосари Комил Синдаров ушбу даргоҳдан келгусида ватанимиз шарафини халқаро майдонларда ҳимоя қиладиган маҳоратли шахматчилар етишиб чиқишига ишонч билдиришди.
Таъкидланганидек, янги шахмат мактаби истеъдодларни тарбиялаш билан бирга, ҳудуд аҳолисининг маданий ҳордиқ чиқарадиган тафаккур масканига айланиши эътироф этилди.
Шахмат бўйича ёшларга профессионал таълим беришга мўлжалланган илм даргоҳининг иш бошлаши муносабати билан жаҳон чемпиони, халқаро гроссмейстер Жавоҳир Синдоров иштирокчиларга ўз тажрибаси ҳақида гапириб берди.
Тантаналар давомида шахмат бўйича ёшлар, маҳалла аҳли иштирокида турнир ташкил этилди.
Т.Рўзиев, ЎзА