АҚШ Вермонт штатидан сенатор Берни Сандерс фикрича, Исроил Ғазода геноцид содир этмоқда.
– БМТ томонидан тайинланган мустақил тергов комиссияси қуйидаги хулосани тасдиқлади: Ғазода фаластинликларни Геноцид конвенциясида белгиланган мезонларга жавоб берадиган ҳаракатлар орқали йўқ қилиш нияти борлиги аниқ, - деб ёзган у ўз расмий сайтида.
Сандерс 2023 йил 7 октябрда яҳудий давлатига қилинган ҳужумдан сўнг Исроил Фаластиннинг ҲАМАС ҳаракатидан ўзини ҳимоя қилиш ҳуқуқига эгалигини таъкидлаган. Шундан сўнг "охирги икки йил давомида Исроил бутун Фаластин халқига қарши кенг кўламли уруш олиб боргани"ни қўшимча қилган.
“Axios” портали ёзишича, Сандерс айни мазмунда баёнот берган амалдаги илк АҚШ сенатори.
Аввалроқ Фаластиннинг босиб олинган ҳудуди бўйича БМТ мустақил халқаро тергов комиссияси раҳбари Нави Пиллай Исроил етакчилари, жумладан Бош вазир Биньямин Нетаньяху Ғазода геноцид қўзғатаётганига эътибор қаратганди.
С.Раҳимов, ЎзА