Миллий статистика қўмитаси маълумотларига кўра, жорий йилнинг январь-июнь ойларида республика корхоналари томонидан 488 минг 532,3 миллиард сўмлик саноат маҳсулотлари ишлаб чиқарилди ва саноат ишлаб чиқариш индекси ўтган йилнинг шу даврига нисбатан 106,6 фоизни ташкил этди.

Қайд этилганидек, саноат ишлаб чиқаришининг умумий ҳажмида ишлаб чиқарадиган саноатнинг улуши 85,1 фоизни, тоғ-кон саноати ва очиқ конларни ишлаш саноати 7,5 фоизни, электр, газ, буғ билан таъминлаш ва ҳавони кондициялаш 6,9 фоизни, сув билан таъминлаш, канализация тизими, чиқиндиларни йиғиш ва утилизация қилиш 0,5 фоизни ташкил этди.  

Саноат корхоналарида ишлаб чиқариш ўтган йилнинг шу даврига нисбатан 7,1 фоизга, сув билан таъминлаш, канализация тизими, чиқиндиларни йиғиш ва утилизация қилиш саноатида физик ҳажм индекси 9,7 фоизга, электр, газ, буғ билан таъминлаш ва ҳавони кондициялашда 3,1 фоизга ҳамда тоғ-кон саноати ва очиқ конларнинг ишлаш саноатида 5,1 фоизга ошгани кузатилди.  

Шу билан бирга, резина ва пластмасса буюмлар ишлаб чиқариш (2024 йилнинг январь-июнь ойларига нисбатан физик ҳажм индекси 129,7 фоизга, бошқа нометалл минерал маҳсулотлари ҳам  ўтган йилнинг январь-июнь ойларига нисбатан 123,7 фоизга) ҳажми ошди.  

Ўтган йилнинг шу даврига нисбатан хом нефть ва табиий газ ишлаб чиқариш, машина ва ускуналарни таъмирлаш, ўрнатиш ҳажми пасайиши кузатилди.  

Гулноза Бобоева, ЎзА