Самарқанд халқаро иқлим форуми доирасида Орол денгизининг қуриши муаммоси масалалари кўриб чиқилмоқда. Форум мулоқотлар учун муҳим платформага айланди. “Иқлим ўзгариши диққат марказида: жамоавий ҳаракатлар орқали келажакни шакллантириш” мавзусида яшил иқтисодиёт, сув ресурсларини бошқариш, қайта тикланувчи энергияга ўтиш, ёшларни жалб қилиш бўйича ихтисослаштирилган сессияларни ўз ичига олади. Унда 1000 дан ортиқ иштирокчи, жумладан, Европа Иттифоқининг расмий делегацияси, халқаро ташкилотлар, илмий институтлар, етакчи компаниялар, нодавлат нотижорат ташкилотлари ва оммавий ахборот воситаларининг 400 дан ортиқ вакиллари иштирок этмоқда.

Маълумот учун, Орол денгизининг қуриши иқлимнинг жиддий ўзгаришларига, жумладан, чанг бўронлари кўпайишига, биохилма-хилликнинг йўқолишига ва аҳоли саломатлигининг ёмонлашишига олиб келди. Орол денгизи экотизимини тиклаш ва минтақа учун барқарор ечимларни топиш халқаро даражада мувофиқлаштирилган саъй-ҳаракатларни талаб қилади.

Самарқандда ўтаётган форум айнан мана шу масалалар муҳокамасига бағишланган.

<iframe width="650" height="420" src="https://www.youtube.com/embed/JF0mZd4JseY" title="Samarqand: Forum oʻzining qizgʻin pallasiga kirmoqda" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Зиёвуддин НУРИДДИНОВ, Анвархўжа АҲМEДОВ, ЎзА