Тошкентда Парламентлараро Иттифоқнинг 150-юбилей ассамблеяси давом этмоқда. Унда иштирок этаётган Литва парламенти аъзоси, делегация раҳбари Рута Милуте билан суҳбатлашдик:

-Ҳозир дунё жуда тез ўзгармоқда. Геосиёсий зиддиятлар кўпаймоқда. Бундай имконият – бутун дунёдан парламент аъзоларининг бир жойда тўпланиб, муаммоларни қандай енгиб ўтиш, инсон ҳаётини қандай яхшилаш ва тинчликка қандай эришиш ҳақида муҳокама юритиши жуда муҳим.

Парламент аъзоларида бундай учрашувлар жуда кам бўлади. Шу боис, биз Ўзбекистонда бундай муҳим тадбир, яъни, Парламентлараро Иттифоқнинг 150-ассамблеяси ўтказилаётганидан жуда мамнунмиз.  

Умид қиламизки, самарали муҳокамалар, тинчлик ҳамда барқарор ривожланиш мақсадларига эришишга ёрдам берадиган қарорлар қабул қилинади. Бу эса, халқларимиз ҳаёти учун жуда муҳим.

Мен Ўзбекистонга илк марта келдим ва дастлабки таассуротларим жуда яхши. Аввал айтганимдек, бундай йирик ва муҳим тадбирга мезбонлик қилаётганингиздан хурсандман. Бу катта масъулият, лекин ҳозирча ҳаммаси жуда ҳам муваффақиятли ўтмоқда.

Умуман, Тошкент ассамблеяси жуда самарали кечмоқда ва ишонаманки, юртингиздан энг яхши қарорларни олиб кетамиз.

<iframe width="650" height="420" src="https://www.youtube.com/embed/fx16nJm0KQk" title="Ruta Milute:Toshkent assambleyasi juda samarali kechmoqda" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Н.Абдураимова, Д.Якубов (видео), А.Аҳмедов (монтаж), ЎзА