Хитойнинг Хефей Фан ва технология университети олимлари инсонларга қоронғуда кўриш имконини берувчи янги инфрақизил контакт линзаларни ишлаб чиқди.

Линзалар таркибидаги нанозаррачалар (олтин, натрий гадолиний фторид, иттербий ва эрбий ионлари) инфрақизил нурларни кўзга кўринадиган ёруғликка айлантиради. Улар 800–1600 нанометр оралиғидаги тўлқин узунликларини учта асосий рангга ўгириб, тасвирни инсон кўзига сезиларли қилади. 

Аввал технология сичқонларда синовдан ўтказилиб, улар қоронғуда ҳаракатлана олгани аниқланган. Кейин инвазив бўлмаган, яъни инъекция талаб этмайдиган линзалар ишлаб чиқилиб, одамлар устида муваффақиятли синовдан ўтказилган — улар қоронғуда ҳарфлар ва инфрақизил сигналларни таний олган.

Шунингдек, линзалар ёпиқ кўз билан ҳам ишлайди, чунки инфрақизил нурлар кўз қовоқларидан ўтади. Ҳозирча улар тунги кўриш кўзойнаклари даражасида самарали эмас, аммо бу технология инсон кўриш қобилиятини сезиларли даражада кенгайтириш сари муҳим қадам бўлди. 

<iframe width="640" height="420" src="https://www.youtube.com/embed/fNaSFJMkelU" title="Qorong‘uda ko‘rish imkonini beruvchi kontakt linzalar yaratdi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мадинабону Насриева,

Улуғбек Тўхтаев, ЎзА