Қорақалпоқ давлат Қўғирчоқ театрида драматург Х. Абидованинг "Сеҳрли узук" номли эртак асари асосида саҳналаштирилган спектакли премьераси бўлиб ўтди.

Асар Қозоғистон Республикаси М.Горкий номидаги академик рус драма театри режиссёри Б. Парманов томонидан саҳналаштирилди. Спектакль бош рассоми эса Россия Федерациясидан келган саҳна рассоми Алексей Говиазиндир.

[gallery-24286]

Премьерада театр директори У. Мамбеталиев ва спектакль режиссёри Б. Парманов сўзга чиқиб, ушбу ижодий ҳамкорлик ва унинг аҳамияти ҳақида сўз юритди. Асар ёш томошабинларнинг маънавий тарбиясида муҳим воситалардан эканлиги, унда эзгулик, дўстлик, меҳр ва оқибат каби ғоялар ёрқин акс этгани таъкидланди. 

Спектакль томошабинлар, айниқса, болалар томонидан катта қизиқиш ва хурсандчилик билан кутиб олинди. Ранг-баранг декорациялар, ҳаётий образлар ва моҳирона ижро болаларни саргузаштлар оламига чорлади. 

<iframe width="650" height="420" src="https://www.youtube.com/embed/4W1z7DtA16c" title="Qo‘g‘irchoq teatrida «Sehrli uzuk» taqdimoti bo‘lib o‘tdi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

 Мақсад ҲАБИБУЛЛАЕВ (сурат ва видео), ЎзА