Тошкент вилоятида “Долзарб 40 кунлик” профилактик тадбирлар доирасида жиноий гуруҳларга аъзо бўлган, ижтимоий муҳитга салбий таъсир ўтказишга уринган шахслар қўлга олинмоқда.

Хусусан, ҳуқуқ-тартибот идоралари томонидан ўтказилган тадбирлар давомида 34 нафар жиноий гуруҳ аъзолари қўлга олинди. Уларнинг 11 нафарига нисбатан жиноят иши қўзғатилди, 23 нафари маъмурий тартибда қамоққа олинди.  

Тадбир давомида, ноқонуний сақлаб келинган 13 дона пневматик ва ов қуроллари, ўқ-дори ва электрошокер, турли ҳажм ва кўринишдаги пичоқлар ашёвий далил сифатида олинди. Шунингдек, гиёҳвандликка оид 50 дан зиёд ҳолат фош этилди. Бунда аниқланишича, 11 килограмм гиёҳвандлик моддалари ва 8 минг 703 дона психотроп ва кучли таъсир қилувчи дори воситалари ноқонуний муомаладан чиқарилди.  

Тезкор қидирув тадбирларида жиноят содир этиб, суд ва тергов органларидан яширинган 64 нафар қидирувдаги шахслар ушланди.  

А.Мусаев,ЎзА.