Италиянинг Удине шаҳридаги “Dacia Arena” стадионида УEФА Суперкубоги ўтказилди. 50-маротаба ташкил этилган бу галги Суперкубокда “ПСЖ” Чемпионлар лигаси ғолиби сифатида, “Тоттенхэм” эса Европа лигаси бош совринини қўлга киритган ҳолда иштирок этди.

Ушбу учрашувнинг 39-дақиқасида Мики ван де Вен ва 48-дақиқада Кристиан Ромеро гол уриб “Тоттенхэм” жамоасини 2:0 ҳисобида олдинга олиб чиқди. Бироқ, иккинчи бўлимнинг 85-дақиқасида Кан Ин Ли рақиб парижликларнинг дастлабки голини дарвозага киритган бўлса, Гонсалу Рамуш 90+4-дақиқада ўз номини таблога ёздириб қўйди ва “ПСЖ”ни мағубиятдан қутқариб қолди.  

Шу тариқа, ўйин 2:2 ҳисобида ўз якунига етди ва ғолиб жамоа номини аниқлаш мақсадида жамоалар пенальтилар сериясига таклиф этилди. Унда “ПСЖ” 4:3 ҳисобида зафар қучди ва Франциянинг Париж шаҳри жамоаси ўз тарихида илк бор УЕФА Суперкубогини қўлга киритди.

Ўйин давомида “ПСЖ” футболчиси Усмон Дембеле ўйинда битта голли узатмани амалга оширди ва учрашувнинг энг яхши футболчиси дея эътироф этилди.

 Маълумот ўрнида: “ПСЖ” мураббийи Луис Энрике мураббийлик фаолиятида иккинчи марта бир йил ичида бешта совринни қўлга киритди. Аниқроқ айтадиган бўлсак, Луис қўйл остидаги парижликлар УЕФА Суперкубоги,  Чемпионлар лигаси, Лига 1, Кубок ва Франция Суперкубоги ғолиби бўлди.

Испаниялик мураббий  бундан аввал – 2015 йилда “Барселона”  клуби билан Ла Лига, Испания кубоги, Чемпионлар лигаси, УЕФА Суперкубоги ва клублар ўртасидаги жаҳон чемпионатида ғолиб чиққан эди.

Жавоҳир Тошхўжаев, ЎзА